Pages

Search about Cooperatives

Sunday, February 22, 2009

Pinili-ay Sa FICCO

Ang kasagarang panghitabo sa pinili-ay o eleksyon sa mga opisyales sa FICCO mao ang kakulang sa kandidato, ilabi na sa mga komitiba (Credit, Audit and Inventory, Election). Kadaghan na usab nahitabo nga ang nangdagan walay kontra. Kon atong pamalandongon nga adunay sobra sa 100,000 ang mga miembro sa FICCO, usa kini ka makapasubo nga kahimtang. Nagpa-ila kini nga tiliwala sa atong gidaghanon, gamay ra ang dunay panahon ug kasibot nga mo alagad sa atong kooperatiba isip usa ka matinud-anong boluntaryo.

Daghan ang mga kwalipikado nga mga sakop sa FICCO nga kon aghaton nga modagan aron mahimong opisyal mobalibad. Matod pa nila nga “nganong moboluntaryo man kami nga pag-abot sa assembly susama ra man sa gai-lansang sa krus ang mga opisyales sa FICCO.” Usa kini ka “valid observation” pero dili man ang mayoriya ang gahimo niini. Pipila ra man kana sila nga mao ray gahimoon ang pagpangita og sayop.

Apan adunay pipila ka kausaban ang atong nasaksihan sa miaging ika-53 nga general assembly. Ang pinili-ay nga nahitabo nahimong usa ka mainiton nga enkuentro sa daghan sa mga kandidato. Ang bugno sa pagka sakop sa BOD sa Lapasan branch mao ra ang matawag nato nga “exception” kay wala may kaatbang si Director Ricky Cagalawan.

Ang piniliay sa pagka sakop sa BOD sa Carmen ug sa cluster nga gilangkoban sa Butuan, Bayugan, Gingoog, Balingoan ug Camiguin nahimo usab nga mainiton kay tulo man ang mga kandidato sa matag pwesto. Tungod sa iyang maayong record, ang migula nga manana-og sa Carmen Branch mao si kanhi BOD Chairman ug kanhi Treasurer Cecile Laguna.

Ang migula nga manana-og sa Butuan-to-Camiguin cluster mao si Ms. Percianita Racho, miembro sa Butuan Branch. Si Ms. Racho kanhi Mayor sa Buenavista, Agusan del Norte ug nahimo usab nga sakop sa BOD sa Veterans Bank. Misalig ang mga sakop sa FICCO kang Ms. Racho tungod sa maayo niya nga pagkahan-ay nga plano alang sa FICCO.

Talagsaon usab ang kainit sa bugno sa pagka sakop sa BOD sa Main, Cogon ug Tiano-Recto cluster. Ang usa sa mga kandidato, gawas sa kadaghan kaayo sa iyang mga posters, flyers ug campaign workers, mi duso pa og protesta batok sa iyang kaatbang. Nasayran usab nga ang mga sakop niini nga kandidato misugod sa pagkampanya, office-to-office, house-to-house, usa pa ka bulan sa wala pa ang assemblia. Tungod kay ang protesta gi-file man usa ka adlaw sa dili pa ang assemblia, ug tungod kay ang mga rason wala may igong gibug-aton, wala kini hatagi og bili sa Election Committee.

Nasayran sa kadaghanan nga kon ang kadasig nga gipakita sa mao nga kandidato sa iyang kampanya mao pa nga kadasig nga iyang gipakita sa dihang sakop pa siya sa BOD, mo-withdraw na lang unta ang iyang kaatbang. Apan nasayod sila nga wala gayo’y nahimo ang mao nga kandidato sa dihang sakop pa siya sa hunta direktiba.

Lahi na ang sitwasyon karon sa pinili-ay sa FICCO. Mas maayo unta kon ang mga sakop magmadasigon sa pagpakisayod kinsa ang angayan nga mahimong opisyal o lider sa atong FICCO. Sa ingon nga paagi malikayan nga mapili nga lider ang mga tawong walay importanteng balaod-non, pamaagi, o “initiatives” nga gipasiugdahan. Ug ilabi na gayod nga dili mapili nga lider kadtong gakatulog lang panahon sa Board meeting, kanunay gadali ug gusto mopauli dayon, ug, ang pinakasakit sa tanan, interesado lang sa honorarium. (ibdaba, 9 Feb 09)

8 comments:

Anonymous said...

Sir, i'm one of the member of this cooperative and it so happen we are now in visayas (cebu), and i think theres a lot of members already here, and can we extend our services here? when?....

Anonymous said...

sir, isa ko ka miembro sa ficco ug satisfy kaayo ko sa services nato kaso lang dia napod mi sa visayas, hangyo unta ko sa atong mga BOD nga maka extend ta dire aron pod daghan ta matabangan ilabina sa kalisud sa panahon....

concern citizen.

Anonymous said...

i think those hu r enterested to run as bod r nt reli ntersted wd ur honorarium becoz u prety know how much is ur bod honorarium.. esp those hu stl come frm a province away fr cdo

ging2 said...

i dnt thnk those hu join the bod r nt reli nterested wd d honorarium coz u knw hw much..its nt reli worth it esp those hu r fprovinces away fr cdo...nt unless they reli have the spirit of volunteerism

Anonymous said...

last nako active sa akong membership was in march 2008. naa pa koy wala pa maimpas nga loan. gusto ko unta impason this month. naa nko sa visayas. pwede ba mahibal-an kon active pa akong membership? diri man gud ko na-assign. basin kon motuyo lang ko anha sa balingoan, dili na diay ko miyembro. please advise....

- Rico

Toti said...

you may email toti.patrimonio@gmail.com send me your name; ficco branch; mobile phone no. then let's see what i can do

nanz said...

..sir ficco member ko...i need 1 co-maker for my regular loan....plz help me...GODBLESS...

nanz said...

i need 1 co-maker for my reg loan.....pls help me...iligan branch ko....